Сандықтау ауданындағы аудандық аурухана «Ауыл-ел бесігі» бағдарлама аясында күрделі жөндеуден өткізілуде. Бүгінде жұмыстардың 80 пайызы аяқталды,-деп хабарлайды «Aqmola News»ақпарат агенттігі.
Бұл мақсатқа «Ауыл – ел бесігі» бағдарламасы бойынша «Қазбайлық Астана» серіктестігімен арнайы келісім-шарт жасалып, 480 837,5 мың теңге қаражат жұмсалған. Аурухана ауласы көгалдандырылып, жаңадан асфальт жамылғы төселген. Ғимараттың шатыры жаңадан жабылған.
Нысанның қас бетін жылылап, балалар бөлімшесінің электр желілері ауыстырылды.
Есік-терезе де жаңартылып, балалар терапия бөлімшелері күрделі жөндеуден өткізілді. Аурухана ғимаратымен қоса көліктер тұратын орын да жөндеуден өткізілуде.
Жоба шеңберінде 53 жұмыс орны құрылып, оның ішінде Жұмыспен қамту мекемесі арқылы 15 адам жөндек жұмыстарына тартылды
Бұл игілікті іс барша сандықтаулықтарды қуантуда. Аурухананың жаңғыртылуы келушілерге көрсетілетін қызмет сапасы мен емдеу ісін жақсартады деген сенім мол.
