Көкшетауда алдағы 10 қазанда Тәуелсіздік алаңында ауыл шаруашылығы тауар өндірушілерінің қатысуымен жәрмеңке ұйымдастырылады, – деп хабарлайды «Aqmola News».
Бұл туралы Ақмола облысының кәсіпкерлік және өнеркәсіп басқармасынан мәлім етті.
Жәрмеңкеде 90-нан астам ауыл шаруашылығы тауарларын өндірушілердің 55,6 миллион теңгенің 83 тонна өнімі ұсынылмақ.
Қала тұрғындары мен қонақтары жергілікті өндірушілердің 30-дан астам азық-түлік түрлерін сатып ала алады. Жәрмеңкеге Астрахан, Атбасар, Жақсы, Біржансал, Бұланды, Есіл, Сандықтау, Жарқайың, Зеренді аудандары және Көкшетау қаласының ауыл шаруашылық тауар өндірушілері қатыспақ ниетте. Бағалары нарықтық бағадан 10-15 пайызға төмен. Облыс аграршылары жәрмеңкеге 23 тонна ет, 4 тонна балық, 6,4 тонна сүт, 11 тоннадан астам ұн, 5 тонна өсімдік майы, 33,5 тонна картоп пен басқа да көкөніс өнімдерін ұсынады, – дейді облыстық кәсіпкерлік және өнеркәсіп басқармасының басқармасының басшысы Ербол Оспанов.
Жәрмеңке таңғы сағат 8-де басталмақ.
