Егіндікөл ауданында індеттің одан әрі таралуына жол бермеу мақсатында әкімдік, тауарлар және көрсетілетін кызметтердің қауіпсіздігін бақылау басқармасының, «Атамекен» кәсіпкерлік палатасының өкілдері мен полиция қызметкерлерінің қатысуымен мониторингтік топ тексеріс жұмыстарын жалғастыруда, – деп хабарлайды «Aqmola News» Егіндікөл ауданы әкімдігінің баспасөз қызметіне сілтеме жасап.
Жалпы 5 шілдеден бастап мониторингтік топ 45 нысанды тексеріп шыққан.
Нәтижесінде 8 әлеуметтік нысандарда карантиндік шектеу шараларын бұзу фактілері анықталған. Жеке үйде көп адам жиналып, қыз ұзату рәсімін өткізу фактісі тіркелді. Әкімшілік құқық бұзушылық туралы 9 хаттама толтырыплып, 2 жеке кәсіпкер мен 7 жеке тұлғаға айыппұл салынған. Барлық азаматтардан маска режимі мен әлеуметтік қашықтықты сақтауды, адамдар көп жиналатын жерлерге барудан бас тартып, санитарлық-эпидемиологиялық бақылау қызметінің талаптарын қатаң сақтау қажеттігі ескертілді, – дейді аудан әкімдігінің баспасөз қызметінен.
Алдағы уақытта мониторингтік топ жұмысы одан әрі жалғаспақ.
