Ақмола облысының кәсіпкерлер палатасы алаңында қазақтың ақбас сиырын өсіретін Ақмола және Солтүстік Қазақстан облысының ауыл шаруашылығы тауар өндірушілеріне мал шаруашылығының республикалық ақпараттық-сараптамалық жүйесінде жұмыс жүргізу жөнінде семинар өткізілді, – деп хабарлайды «Aqmola News» Ақмола облысы кәсіпкерлер палатасының баспасөз қызметіне сілтеме жасап.
Жиын барысында шаруашылық серіктестіктеріне ақпараттық жүйеде жұмыс істеу принциптері түсіндііліп, сондай-ақ аталған мәселеде туындайтын жағдайлар әңгіме өзегіне айналды.
Семинарда зоотехникалық есеп, асылтұқымды мал мәртебесін беру, қаржыландыруға өтінім эәне куәліктер беру сияқты мәселелер қаралды. Мал шаруашылығы мамандары мен операторларына ақпараттық-сараптамалық жүйедегі негізгі бағыттарды түсіндіріп өттік, – дейді республикалық палата менеджері Гүлбарам Сейітжан.
Шараға Ақмола облысынан «Журавлевка-1», «Бастау», «Новокиенка» сияқты шаруашылық серіктестіктері мен «Тассу» және «Р.Т.Шахатов» шаруа қожалықтарының басшылары мен мамандары қатысты.
