Аршалы ауданында ауыл шаруашылығы жәрмеңкесі басталды. Ауыл шаруашылығы тауар өндірушілері өз өнімдерін нарықтық бағадан 15-20 пайыз төмен бағада ұсынды, – деп хабарлайды «Aqmola News».
Жергілікті тауар өндірушілері Аршалы ауданының тұрғындарына көкөністер мен жемістер, сүт өнімдері, бал және астық өнімерін ұсынды.
Бүгін орталық алаңда Аршалы кентінің тұрғындарына ауыл шаруашылығы жәрмеңкесін ұйымдастырдық. Бұл қазіргі елдегі күрделі кезеңде тұрғындарды алғашқы қажетті азық-түлік өнімдерін қамтамасыз етсе, екіншіден баға тұрақтылығын сақтауға мүмкіндік береді. Жергілікті ауыл шаруашылық тауар өндірушілері өз өнімдерін нарық бағасынан едәуір төмен бағада саудалауда, – дейді аудан әкімі Талғат Мұханбеджанов.
Жәрмеңке барысында 500 келі ұн, 1,5 тонна сүт өнімдері, 400 келі бал, 2 тонна көкөніс, 400 литр өсімдік майы сондай-ақ мал азықтары сатылды.
