Есіл ауданында «Тней Агро» жауапкершілігі шектеулі серіктестігі өз есебінен Знаменка селосындағы хоккей кортына жөндеу жұмыстарын жүргізуде, – деп хабарлайды «Aqmola News».
Майра ҚУАНЫШҚЫЗЫ
Бұл туралы Есіл ауданы әкімдігінен мәлім етті.
Ауыл жастарына бұқаралық спортты дамытуға баса назар аударылған. Осыдан бірнеше жыл бұрын ауыл орта мектебінде спорт залына да күрделі жөндеу жасалған.
Хоккей кортын монтаждау жұмыстары алдымен ауыл тұрғындарының салауатты өмір салтына бет бұруына жағдай жасайды. Мұны жергілікті жас кәсіпкер «Тней Агро » ЖШС-нің басшысы Дамир Болданов өз идеясымен бастаған.
«Ауыл жастары бос уақытын спортпен байланыстырып, салауатты өмір сүрсе деген ниет болды. Сондықтан, осы хоккей кортын жөндеуге кірістік, дейді Дамир Болданов.
Кәсіпкер ауыл спортының дамуы үшін осыған дейін де бірнеше жобалар жасағанын атап өткен жөн.
