Шортанды ауданынының әкімі Бозайғыр ауылдық округіне жұмыс сапарымен бірқатар білім беру және тұрғын үй-коммуналдық шаруашылық нысандарын аралады,-деп хабарлайды «Aqmola News».
Бозайғыр ауылында «Мектеп-Интернат-Колледж» КММ және жол жөндеу жұмыстары жүргізіліп жатыр.
Сонымен қатар Төңкерісте балабақша құрылысы мен негізгі мектепті жөндеу объектісінде жұмыстар аяқталуға жақын.
Ауданда бұған дейін күрделі жөндеуден Шортанды кентінің № 2 орта мектебі өткен болатын.
Аудан әкімі Ғайдар Қасенов жөндеу жұмыстарының барысын қарап, мердігер ұйымның жұмысшыларымен кездесіп, жұмысты жүргізген»Строй Альянс – НС»ЖШС-не нысанды мерзімінде тапсыруды және орындалатын жұмыстардың сапасына көңіл бөлуді тапсырған еді.
Естеріңізге сала кетейік, Шортанды №2 орта мектебін жөндеу «Ауыл – ел бесігі» бағдарламасы жобаларының біріне кіреді. Осы бағдарлама шеңберінде Шортанды ауданы бойынша ауданның әлеуметтік-экономикалық дамуын қамтамасыз етуге жаңа мүмкіндіктер беретін 6 жобаны іске асыру көзделген.
Іске асырылып жатқан жобалар ауданның білім беру, мәдениет және спорт нысандарының күрделі жөндеу жұмыстарын қарастырады. Атап айтқанда -Шортанды №2 орта мектебінің ғимаратын, Ойын-сауық орталығы мен Шортанды кентінің стадионын күрделі жөндеу.
Автомобиль жолдары мәселесі де шетте қалмайды. Осы мақсатта «Ауыл – ел бесігі» кентішілік жолдарды асфальтбетон жабынымен орташа жөндеу бойынша 3 жобаны іске асыруға мүмкіндік береді
