Степногорск қаласындағы көпбейінді аурухана ғимаратында Оңалту орталығы ашылды, деп хабарлайды Aqmola News
Өңірде бұрын-соңды болмаған әлеуметтік жоба «Дәрігер plus» медициналық орталығының бастамасымен жүзеге асырылып отыр.
Мұнда жүйке жүйесі ауруларымен, инсульт, инфаркт және ауыр жарақаттар алған науқастар оңалту курсынан өтеді, сондай-ақ сөйлеу дамуы кешеуілдеген және сал ауруына шалдыққан балалар емделеді.
Орталық заманауи қажетті жабдықтарымен науқастарға көрсететін қызмет түрінің маңыздылығы жағынан шаһарымыздағы жалғыз ғана мекеме. Ол Қазақстан Республикасының денсаулық сақтауды дамытудың мемлекеттік бағдарламасы шеңберінде қажетті құрал-жабдықтармен қамтылған.
Бүгінгі таңда орталықта 17 жұмыс орны қалыптасқан. Жоғары білікті мамандар кеңес беріп, ем жасайды.
