Көкшетауда жаңа ғана «Көкшетау» мәдениет сарайында өрт болып, қою түтін аспанға шықты, – деп хабарлайды «Aqmola News» Ақмола облысының төтенше жағдайлар департаментінің баспасөз қызметіне сілтеме жасап.
Өрттен мәдениет сарайында жүрген 25 адам эвакуацияланған.
Бүгін күндізгі сағат 10:55-те «Көкшетау» мәдениет сарайының өртеніп жатқаны жайлы 112 пульттен 112телефон хабарламасы түсті. Өрт ғимараттың шатырында тұтанғаны анықталды. Дереу дабыл беріліп, отыздан астам жеке құрам сарбаздары мен алты бірлік өрт сөндіру техникалары, сонымен қатар «Көкшетау Су Арнасы» коммуналдық кәсіпорнының бір техникасы мен бір қызметкері жұмылдырылды. Өрттен мәдениет сарайының 10 шаршы метр аумағы оранған. Тілсіз жау 11:22-де ауыздықталып, 11.33-те толықтай сөндірілді, – дейді Ақмола облысы төтенше жағдайлар департаменті бастығының міндетін атқарушы Қанат Доспаев.
Қазіргі уақыта ғимараттың өртенген құрылымдары бұзып алынуда. Өрттің шығу себептері анықталу үстінде.
