Қанды оқиға осы жылдың 4 тамызында орын алды
Бұланды ауданында құс фабрикасы жұмысшысын ауыр жүктиегіш техника жүргізушісі басып кеткен. Ауыр жарақат алған жұмысшы жігіт оқиға орнында бірден жантәсілім етті, – деп хабарлайды Azattyq Rýhy тілшісі Ақмола облысы полиция департаменті баспасөз қызметіне сілтеме жасап.
Полиция аталған іс бойынша қылмыстық іс қозғап, тергеу амалдарын бастап кетті.
«Алдын ала мәлімет бойынша «JCBAKD-704S ауыр жүктиегіш техника жүргізушісі 40 жастағы жұмысшы ауыр жарақаттардан сол жерде бірден қаза болған. Қазіргі уақытта «Макинск құс фабрикасы» жауапкершілігі шектеулі серіктестігі жұмысшысының өлімі бойынша Қазақстан Республикасы қылмыстық кодексінің 156 бабы (Еңбекті қорғау ережесінің бұзылуы) бойынша сотқа дейінгі тергеу амалдары жүргізілуде», – деді Ақмола облысы полиция департаменті баспасөз қызметінің жетекшісі Гүлнар Пинчук.
Қазіргі уақытта қылмыстық іс бойынша тергеу амалдарын жүзеге асыру шеңберінде тиісті сараптамалар тағайындалған.
