Көкшетауда «Бурабай» мамандандырылған балалар және жасөспірімдер спорт мектебінде жөндеу жұмыстары басталды, – деп хабарлайды «Aqmola News» Ақмола облысы дене шынықтыру және спорт басқармасының баспасөз қызметіне сілтеме жасап.
Майра ҚУАНЫШҚЫЗЫ
Ведомствоның мәліметінше, қазіргі сәтте мекеменің бассейнін монтаждау жұмыстары жүріп жатыр.
Бассейнде барлық терезе витраждары мен бассейн қыш тақталарын ауыстыру жоспарланып отыр. Сондай-ақ, ғимараттың шатырын да бұзып, қайта салуға кіріспекпіз, – дейді «Бурабай» мамандандырылған балалар және жасөспірімдер спорт мектебінің директоры Тахир Шәкенов.
Жөндеу жұмыстарын «Норд-Строй KZ» ЖШС-і мердігер компаниясы жүзеге асыруда. Жұмыстарды қазан айының соңына дейін аяқтау жоспарланған.
Нысан карантин аяқталған соң келушілерге есігін айқара ашуды көздеп отыр
