Ақпарат және қоғамдық даму министрі Аида Балаева Facebook желісінде онлайн ақпаратқа қол жеткізу мәселелері жөніндегі комиссияның отырысын өткізді.
Бұл туралы BAQ.KZ-ке сілтеме жасап «Aqmola News» хабарлайды.
Zoom арқылы атқарып жатқан жұмыстарын баяндаған әр түрлі министрлік өкілдерінің барылығы дерлік орыс тілінде дайындалған. Слайдтары да орыс тілінде.
Бұл мәселе министрдің көңілін түсірді. Facebook қолданушылары да тікелей эфир кезінде жиналыстың қазақ тілінде өткізілмейтіндігін айтып, реніштерін жеткізіп жатты.
Слайдтың бәрі орысша болғаннан кейін ең болмаса баяндаманы қазақшалауға болады ғой. Жиналысымыз Facebook-те өтіп жатқан соң, оның үстіне ақпараттандыру мәселесін қозғап отырғаннан кейін мемлекеттік тілде ақпарат жеткілікті емес. Орысша сөйлеген соң, халық түсінбей отыр. Слайд орысша, баяндаманы қазақша жасауға немесе керсінше істеуге болады ғой. Комиссия мүшелеріне және баяндама жасаушылар да осы мәселеге мән беру керек, – деді Аида Балаева.
Бірақ министрдің бұл сөзін ескеріп жатқандар шамалы. Аида Ғалымқызының осы айтқанынан кейін сөз алған «Ашық бюджет» порталының өкілі Гүлмира Исабекова «Всем добрый» деп әңгімесін өзіне үйреншікті тілде жалғап кетті.
