Елдегі коронавирус инфекциясының таралып, эпидемиологиялық жағдай дың ушығуына байланысты жер-жерде қалталы азаматтар мен кәсіпорындар қолдарынан келгенше көмек қолын созуда. Жақсы ауданында да жергілікті «TNK аграрлық фирмасы» індетпен күреске қайырымдылық көрсетті, – деп хабарлайды «Aqmola News».
Бұл туралы Жақсы ауданы әкімдігінен мәлім етті.
Ауыл шаруашылығы тауарларын өндірумен айналысатын «TNK агрофирмасының» бас директоры Батырбек Уәлиев Жақсы аудандық ауруханасына жалпы сомасы 4 миллион теңгенің дәрі-дәрмектер, медициналық мақсаттағы бұйымдар мен коронавирус инфекциясының бар-жоғын анықтатын 150 дана тест, 69 мың дана шприц, 2 мың дана құты ерітіндісі мен 20 мың дана медицина жүйесін (система) алып берген.
