Өңір аумағына кіріп-шығатын күрежолдардың бәрінен блок-бекеттер алынып тасталды, – деп хабарлайды «Aqmola News».
Ақмола облыстық ішкі істер департаментінің баспасөз қызметінің жетекшісі Гүлнәр Пинчуктің айтуынша, әуе және теміржолдардан облысқа кіріп-шығудың ашық болуына байланысты блок-бекеттерді қоюдың қажеттілігі болмай қалған.
Ақмола облысы аумағында күрежолдар бойына қойылған барлықблок-бекеттер алынып тасталды. Алдағы уақытта блок-бекеттер қайта қойылатынын яки қойылмайтыны белгісіз, – дейді Гүлнәр Пинчук.
Естеріңізге сала кетейік, Қазақстан Республикасында эпидемиологиялық жағдайды тұрақтандыру мақсатында мемлекеттік комиссияның шешімі бойынша тек өңірлер арасындағы жолаушылар автобустарының жүруіне уақытша шектеу қойылған.
