Бөгенбай батырдың ұрпақтары жерленген ескі қорым жергілікті жауапкершілігі шектеулі серіктестіктің демеушілігімен жөнделді, – деп хабарлайды «Aqmola News».
Бұл туралы Ерейментау ауданы әкімдігі мәлім етті.
Аудан әкімі Абай Еламанұлының ұсынысын қолдаған кәсіпкер Саққұлақ би мазарының жанында орналасқан бейітті қоршап берген.
Сонау жаугершілік замандарда қазақты қылышының жүзімен қорғаған Бөгенбай батырдың ұрпақтары жерленген бұл қорым үш ғасыр бойы қараусыз қалған. Биыл бұл мәселе шешімін тапты. Ұзындығы 600 метрге созылған, биіктігі 2 метрге таяу қоршау қойылды. Бұл әруақтар жатқан жерлерді малдардың таптауынан сақтап, бабаларымыздың алдындағы ұрпақ құрметімін көрсетеді, – дейді аудан әкімі Абай Әлжанов.
