Шымкент қаласында «Гүлденген қызғалдақтар» атты V Халықаралық хореографиялық өнер байқауы өтті.
Оның мақсаты – қазақ биінің өнерін сақтау және дамыту, дарынды балалар мен жасөспірімдердің шығармашылығын қолдау болып табылады.
Аталмыш байқауға республиканың үздік балалар хореографиялық ұжымдары қатысты. Көкшетау қаласынан конкурста Дина Орманшинаның жетекшілігімен «Достар» мәдениет сарайының «Асыл мұра» халықтық би ансамблі өнер көрсетті.
Кәсіби қазылар алқасы әр түрлі жас топтарындағы балалардың өнерін бағалады.
Би ансамблінің үлкен тобы (14-18 жас) байқаудың бас жүлдесін жеңіп алды. 3-6 жас аралығындағы кіші топ бірінші орынға, ал орта топ (7-11 жас) екінші орынға ие болды.
Адия Сабдина «Ең жарқын қатысушы» номинациясы бойынша арнайы дипломмен марапатталды.
Қатысушы бплаларымыз үйге грамоталармен, медальдармен және ақшалай сертификаттарымен оралды.
Жеңімпаздарымызды лайықты марапаттарымен құттықтап, оларға жаңа шығармашылық жеңістер тілейміз!
