Аршалы ауданы Жібек жолы кентінде үш қонақ үй, бір сауна, бір асхана орналасқан «Аstana Resort» эко кешенінде өрт шықты . Жергілікті өрт сөндіру бөлімі келгенге дейін 45 адам өздігінен эвакуацияланды, деп хабарлайды «Aqmola news» Ақмола облысы төтенше жағдайлар департаментінің баспасөз қызметіне сілтеме жасап.
Өртті сөндіруге Ақмола облысы мен Нұр-сұлтан қаласының өрт сөндірушілері қатысқан.
Өрт 17-10-да ауыздықталды. Зардап шеккендер мен құрбан болғандар жоқ. Өрттің алдын ала алаңы 1500 шаршы метр аумақты қамтыды. Өрт сөндірушілер жақын маңдағы жиһаз цехының ғимаратына өрттің өтуіне жол берген жоқ. Өз бетінше 30 адам демалушылар мен 15 адам кешен қызметкерлері қауіпсіз жерге көшірілді»-деді Ақмола облысы ТЖД «ӨСжәнеАҚЖҚ» ММ бастығының міндетін атқарушы Ерлан Молдаханов.
Өрт сөндіруге Ақмола облысы төтенше жағдайлар департаментінің сегіз қызметкері, Нұр-сұлтан қаласы төтенше жағдайлар департаментінің жиырма бір қызметкері мен «Астана-Орманы» шаруашылық жүргізу құқығындағы мемлекеттік коммуналдық мекеме жұмылдырылған .
Ақмола облысы төтенше жағдайлар департаменті барлық азаматтарға өрт қауіпсіздігі ережелерін сақтау қажеттілігі туралы ескертеді.
