Жазушы, драматург, қоғам қайраткері, сенаторлар кеңесінің мүшесі Жабал Ерғалиевтің Фейсбук парақшасынан алынды:
Есіл өзені тасып, іргесіндегі Үшқарасуға барар жолды бұзып, жол бойындағы электр бағаналары да құлап, ауыл жолсыз және электр жарығынсыз қалған болатын.
Биылғы жылдың 16 сәуір күні Ақмола облысының әкімі Марат АХМЕТЖАНОВ осы Үшқарасу ауылына қайықпен барып, халықпен кездесіп, тез арада электр жарығын қалпына келтіру үшін Алматыдан екі бірдей дизель моторлары сатып алынғандығын, олар жолда әкеліне жатқандығын айтып, сол дизельдер келсімен ауылды уақытша осы дизель моторлары арқылы электр қуатымен қамтамасыз етілетіндігін айтқан болатын.
Қазір сол дизель моторлары орнатылып, Үшқарасу ауылының электр жарығы қалпына келтірілді.
Ал қар суы қайтқаннан кейін негізгі электр желілері де, автожол да тез арада қалпына келтірілетін болады.
Ауылдың жағдайы күн сайын әкімнің бақылауында!
Ауыл халқы көктемгі қарекеттерімен алаңсыз айналысып жатыр.
