Қазақстан Халық партиясы Ақмола облыстық филиалы төрағасының міндетін атқарушы Арман Тастамбеков Аршалы кентінде болып, әкім Дмитрий Иванюкпен кездесті.
Олар бірге су тасқыны салдарынан үйлерді су басудың алдын алу туралы өте маңызды мәселені талқылады.
Әкім су тасқынына қарсы іс-шараларға белсенді қатысқан тұрғындарға, сондай-ақ кәсіпорындар мен шаруа қожалықтарының басшыларына техника бөлгені үшін терең ризашылығын білдірді. Қиыршық тас зауыты инертті материал бергені үшін ерекше атап өтілді.
Сондай-ақ, кент тұрғындары мен еріктілері су тасқынына қарсы күш-жігерге қосқан маңызды үлесі үшін партияның Ақмола облысиық филиалының Алғыс хаттарымен марапатталды.
– Бірлескен күш-жігердің арқасында тұрғындар апатты жеңе алды! Бұл бірлік күшінің лайықты мысалы, – деп атап өтті Арман Тастамбеков.
