Прокуратура органдары жүктелген міндеттер шегінде заңға сәйкес атқарушылық іс жүргізудің заңдылығына жоғары қадағалауды жүзеге асырады.
Осы қадағалаудағы басым бағыттардың бірі алимент өндіріп алу болып табылады.
Облыс прокуратурасы Қазақстан Республикасы Қылмыстық кодексінің 139-бабы бойынша алимент төлемейтіндерді қылмыстық жауапкершілікке тарту бойынша жұмысты жандандырды.
Ағымдағы жылдың өткен кезеңінде жүргізілген жұмыстың нәтижесінде прокуратураның үйлестіру шараларымен алимент төлеу жөніндегі міндеттерді атқармайтын 28 борышкерге қатысты қылмыстық істер тіркелді, оның ішінде 8 борышкер бойынша айыптау үкімдері шығарылды. Бүгінгі таңда сотқа дейінгі тергеп-тексеру органдарының өндірісінде тағы 5 қылмыстық іс бар.
Сонымен қатар, Қазақстан Республикасы Әкімшілік құқық бұзушылық туралы Кодексінің 669-бабы бойынша алимент өндіріп алу туралы сот шешімін орындамағаны үшін 100-ден астам борышкерлер әкімшілік жауаптылыққа тартылды.
Ағымдағы жылы Ақмола облысы прокуратурасының шараларымен 600 млн тенгеден астам алимент бойынша қарыз өтелді.
Бұл бағыттағы жұмыс жалғасуда.
Ақмола облысының прокуратурасы
