Бұланды ауданында «Жұмыспен қамту жол картасы-2020» бағдарламасымен жөндеу жұмыстары қарқын алды, – деп хабарлайды «Aqmola news».
Бұл туралы Бұланды ауданының әкімдігі мәлім етті.
Мемлекеттік бағдарлама шеңберінде биыл тозығы жеткен Макинск қаласының жылу және су құбырлары және жылу қазандықтары жөнделмек. Аталған мақсатта республикалық бюджеттен 246 миллион теңге бөлінген.
Талайдан жөндеу көрмеген құбырлар мен жылу қазандықтары биыл ретке келтірілмек. Бір жағынан бағдарлама талабына сәйкес мердігер жергілікті 30 тұрғынды жұмыспен қамтып, кемінде 85 мың теңге жалақы төлеуге міндеттенеді. Қазіргі уақытта жөндеу жұмыстары басталып та кетті, – дейді аудан әкімі Талғат Ерсейітов.
Жөндеу жұмыстарын тамыз айының соңына дейін аяқтау жоспарланған.
