Жұмыс сапары аясында Ақмола облысының әкімі Марат Ахметжанов 36 пәтерлі тұрғын үй құрылысының барысымен және аудан орталығының көше-жол желісін жөндеумен танысты.
Жақын арада төрт қабатты тұрғын үй пайдалануға беріледі. Жалпы ауданы 1,8 мың шаршы метрден асады. Мердігер «СтройЦентр-Turkistan» ЖШС болды.
Бүгінгі таңда барлық құрылыс-монтаж жұмыстары аяқталды, су тартылды, үй орталық жылытуға қосылған. Нысанды пайдалануға беру үшін құжаттар ресімделуде.
«Шортандылықтар халықтың әлеуметтік осал топтары санатынан пәтер алады, оның ішінде 12 көпбалалы отбасы», – деп атап өтті аудан әкімі Сағындық Шабаров.
Северная көшесіндегі көше-жол желісін орташа жөндеу көктемде басталды, мердігер – «Фортуна» ЖШС. Көліктің үлкен ағыны өтетін екі шақырымға жуық жол жөнделді, өйткені көше Жолымбет – Шортанды – Пригородное облыстық маңызы бар жолымен байланыстырушы болып табылады. Бүгінгі таңда барлық жұмыстар аяқталды.
«Әлеуметтік сала нысандарының құрылысы аудан басшылығының бақылауында болуы тиіс. Сонда барлық жұмыстар сапалы және мерзімінде орындалатын болады», – деп атап өтті Марат Ахметжанов.
