6 қазанға қараған түні Щучинск қаласындағы теміржолда жігіттің мәйіті табылған. Бұл туралы Stan.kz ақпарат агенттігі tirazh.kz Instagram-арнасына сілтеме жасап хабарлайды.
Роман Бодаговтың денесі Бурабай-Жамантұз курорты аралығындағы теміржол жолдарынан табылған. Ол жоғары техникалық колледждің 4-курс студенті еді.
Көкшетау станциясындағы желілік полиция бөлімінде Қылмыстық кодекстің 344-бабының 2-бөлігі «Абайсызда адам өліміне әкеп соққан теміржол көлігінің қозғалысы немесе пайдалану қауіпсіздігі қағидаларын бұзу» бойынша сотқа дейінгі тергеу басталды. Қазіргі уақытта іс бойынша қажетті тергеу әрекеттері жүргізілуде.
8 қазанда Щучинск, Откел көшесі (Вагонная), 56 мекенжайы бойынша марқұммен қоштасу рәсімі өтеді. Денені сағат 13:00-де алып кетеді.
