Базарбаева Айгуль Оразалиновна 1981 жылы Ыбырай Алтынсарин атындағы Рудный педучилищесіне түсіп, 1984 жылы бітіріп, Көкшетау облысы Рузаев ауданы Мұқыр ауылының Жеңіс орта мектебінен ұстаздық өмір жолын бастады.
Тұрмысқа шығып, ата -енесін күттіп, ұл – қыз тәрбиеледі. 1993- 1996- жылдар аралығында Шоқан Уәлиханов атындағы Көкшетау пединститутының Шоқан Уалиханов атындағы Көкшетау педагогикалық институтының педагогика және бастауыш мектеп әдістемесі мамандығын сырттай тәмамдады.
42 жыл жасөспірімдерді тәрбиелеуге саналы өмірін арнаған жоғарғы санатты ұлағатты ұстаз бүгінде зейнеткерлікке шықты. Оқытқан түлектері еліміздің әртүрлі саласында еңбек етіп, Отанымызға адал қызмет етуде. Қызын қиясына, ұлын ұясына қондырған аяулы жар, ардақты ана, сүйікті әже бүгінде Көкшетау қаласында жолдасымен бақытты өмір сүруде.
-Денсаулықтың арқасында еңбегіңіздің зейнетін, балапандарыңыздың қызығын ,
рахатын көре беріңіз, – дейді оған жақындары.
