Державин қаласында абаттандыру және көгалдандыру акциясы белсенді өтуде. Қала көшелерінде қызылды-жасылды гүлзарлар мен саябақтар пайда болды, – деп хабарлайды «Aqmola news».
Бұл туралы Жарқайың ауданы әкімдігінің баспасөз қызметі мәлім етті.
Жергілікті өзін-өзі басқару қаржысы есебінен бөлінген қаражатпен Державин ауданы әкімдігі 8 мыңнан астам Шырайгүл гүлдерін отырғызған. Сондай-ақ 23 дана гүл отырғызылатын қыш ыдыстар алынып, Орталық саябақ пен қала алаңына орнатылды. Көгалдандыру жұмыстарына ауданның жеке кәсіпкерлері белсене араласуда, – деді аудан әкімдігінің баспасөз қызметінен.
