Бәсекелестікті қорғау және дамыту агенттігі Бас прокуратурамен бірлесіп Air Astana компаниясына жүргізген тексеру нәтижесінде бірқатар заңнама талаптарын бұзу дерегін анықтады деп хабарлайды Stan.kz ақпарат агенттігі.
Тексеру қорытындысы бойынша әуе компаниясы бағада бекітілген талаптарды елемеген. Осылайша Бас прокуратура ҚР Индустрия және инфрақұрылымдық даму министрлігіне тиісті ұсынысты жолдады.
“Әуе тасымалы саласында динамикалық баға белгілеуді қолдану бағытын реттейтін нормативтік-құқықтық актілерді әзірлеуді қамтамасыз ету ескерілген. Сонымен қатар, монополияға қарсы заңнама талаптарын бұзу дерегі бойынша Air Astana әуе компаниясына қатысты әкімшілік хаттама толтыру қарастырылды. 2022 жылдың 12 желтоқсанында Air Astana компаниясына қатысты әкімшілік хаттама толтырылып, 2021 жылы айыппұл сомасы 4,8 млрд теңгені, 2022 жылға 1,9 млрд теңгені құрады. Қазіргі кезде осы бойынша сот процесі жүріп жатыр», – деді Бәсекелестікті қорғау және дамыту агенттігі Көлік және байланыс департаментінің директоры Нүргүл Жаманова.
