Көкшетауда жергілікті кәсіпкерлердің демеушілігімен Рамазан айы кезінде қайырымдылық шаралары ұйымдастырылуда, – деп хабарлайды «Aqmola news».
Бұл туралы Көкшетау қалалық ардагерлер кеңесінің төрағасы Шияп Әлиев мәлім етті.
Қалалық ардагерлер кеңесі Рамазан айы кезінде азық-түлік және басқа да гигиеналық заттармен қайырымдылық көмек ұйымдастырған.
Карантин кезінде көптеген мүмкіндігі шектеулі адамдар мен қариялар үйлерінен шыға алмай қалды. Көмек беру қажет болды. Сондықтан қаланың кәсіпкерлері біраз қаражат түсіріп, қайырымдылық шаралары ұйымдастырылды. Ораза айында волонтерлер мен «Зекет» қайырымдылық қорларының көмегімен 486 мұқтаж отбасыға азық-түлік және басқа да қажеттіліктер берілді. Бүгін айт күні тағы 100 отбасыға берейік деп отырмыз. Олардың қатарында мүгедектер, зейнеткерлер, соғыс ардагерлері, жетім-жесірлер, көп балалы отбасылар бар, – деді Шияп Әлиев.
