Полиция қызметкерлері еріктілермен бірлесіп, қаңғыбас иттерді аулап, олардың етін сатқан Ақмола облысының 41 жастағы тұрғынын анықтап, полиция бөліміне жеткізді, деп хабарлайды «Aqmolanews» ақпараттық агенттігі Polisia.kz порталына сілтеме жасап.
Жануарларға қатыгездікпен қарау фактісі бойынша ҚР ҚК 316-бабы бойынша сотқа дейінгі тергеу амалдары басталды.
Тұрғылықты жерін тексеру барысында жалпы салмағы 750 келіге жуық 50 сойылған иттің өлексесі табылды. Қажетті сараптамалар тағайындалды.
Тергеуге мүдделі мемлекеттік органдар тартылды. Қылмыстық-процестік заңнаманың талаптарына сәйкес тергеудің өзге де егжей-тегжейлері жария етілмейді.
