14 қаңтар күні Көкшетау қаласының полиция департаментінен қызметте жүрген Ұлттық ұланның 5510 әскери бөлімінің жауынгерлеріне «ЦУМ» сауда үйінен белгісіз азаматтың қара түсті әмианды ұрлап кеткені жайлы ақпарат түседі. Жедел іздестіру іс-шаралары барысында тәртіп бұзушы қолға ұсталады.
-Бізге ЦУМ сауда үйінен белгісіз азаматтың ұрлық жасағаны жайлы ақпарат түседі, оны естіп бірден оқиға орнына жетіп бардық. Іздестіру кезінде Ақан-Сері көшесінің бойында ұқсас азаматты байқап, ұстауға ұмтылған едік, қаша жөнелді, бірақ «Востоктың» көмегімен тәртіп бұзушы қолға ұсталды, дейді әскери топ бастығы аға сержант Қуанышбек Каиров.
Аталмыш әрекеті үшін, тәртіп бұзушыға Көкшетау қаласының полиция учаскесінде ҚР ҚК 188 (Ұрлық) бабына сай іс қозғалды.
ҚР ҰЛТТЫҚ ҰЛАНЫНЫҢ ОРТАЛЫҚ ӨҢІРЛІК ҚОЛБАСШЫЛЫҒЫНЫҢ БАСПАСӨЗ ҚЫЗМЕТІ.
