Ақмола облысы прокурорының бірінші орынбасары Владимир Малахов және облыс прокуратурасының бейінді Басқармасының қызметкерлері Ақмола облысы бойынша ҚАЖД басшылығының ілесіп жүруімен Гранитный кенті, 65 (тергеу изоляторы) №7 мекемесінде сотталғандарды ұстау құқықтары мен шарттарының сақталуына мониторинг жүргізу мақсатында колонияның тұрғын үй-жайларын, сондай-ақ өндірістік объектілерін аралап шықты, деп хабарлайды «AqmolaNews» ақпараттық агенттігі.
Байланыс құралдарымен және бейнебақылау жүйесімен жарақтандыру зерттелді. Сондай-ақ, сапар барысында сотталғандарды жеке мәселелері бойынша қабылдау жүзеге асырылды.
Прокуратура қызметкерлері мекемелерде азаптауға және басқа да қатыгез, адамгершілікке жатпайтын және ар-намысты қорлайтын қарым-қатынас пен жаза түрлеріне қарсы Конвенцияның сақталуына ерекше назар аударды.
Сапар қорытындысы бойынша мекемеде ұсталатын сотталғандардың құқықтары мен заңды мүдделерінің бұзылуына байланысты өтініштер мен шағымдар түскен жоқ.
