Instagram-дағы direct ведомстволық парақшасына алғыс сөздерін тәртіп сақшылары көрсеткен көмегі үшін жүргізуші жазды. Ағымдағы жылдың 23 қыркүйегінен 24 қыркүйегіне қараған түні «Астана-Петропавл» автожолының 157 шақырымында «Ауди 100» маркалы көліктің дөңгелегі жарылған. Жүргізуші қолында қажетті құралдар болмағандықтан ақаулықты өздігінше жоя алмаған. Өтіп бара жатқан көліктерден көмек сұрау әрекеттері сәтсіз болып, жүргізуші 112 жедел телефонына қоңырау шалған. Диспетчерлер жол жиегінде тұрған автокөлік туралы ақпаратты полицейлерге жолдады.
ПД ППБ «Тұлпар 17» экипажының қызметкерлері ақауы бар көлік тұрған жерге келіп, қажетті көмекті көрсетті. Көлікте жүргізушіден басқа оның жұбайы, кәмелетке толмаған ұлы және досы болған. Тәртіп сақшылары келген сәтте шетелдік көліктің жүргізушісі мен жолаушылары қатты тоңып қалған. Аға лейтенант Мұратов Бахтияр мен полиция лейтенанты Қабдуалиев Айбол дөңгелекті шешіп, автокөлік иесінде болған жаңа дөңгелекке ауыстырған. Тәртіп сақшыларына көмек көрсеткені үшін алғыс айта отырып, «Ауди» Петропавл қаласына жолын жалғастырды.
Фото: kp.kz
