Ақмола облысының полицейлері өз бетімен антисептикалық құралдарды үйінде дайындап сатқан ер адамды анықтады,-деп хабарлайды «Aqmola News».
- Қазіргі таңда жұртшылық өзін және жақындарын вирустан қорғау үшін медициналық маскадан бастап дезинфекциялық құралдарды жаппай сатып алып жатқаны белгілі. Осындай жағдайды пайдаланып өз бетінше заңсыз антисептикалық құрал әзірлеп, сатылымға шығарған пысықайлар пайда болуда,-делінген жергілікті полиция департаменінің мәліметінде.
Жергілікті полицияның 14 сәуірде жүргізген жедел-іздестіру шараларының нәтижесінде 29 жастағы ер азамат ұсталған.
Тергеу барысында ер азамат арақ пен глицеринді араластырып 5 литрін 7500 теңгеге саудалаған. Табыскер осылайша адамдар үшін пайдалы іспен шұғылдандым деп жауап берген.
Ер азаматың тұрғылықты үйін тінту барысында 15 литр қоспаны тәркіленген.
Полиция өкілдері бұл қоспаны дереу сараптамаға жөнелтті.
