Сандықтау ауданынан шыққан екі бірдей спортшы әлем чемпионатында ел қоржынына алтын мен қоладан олжа салды, деп хабарлайды «Aqmola News» Ақмола облысының дене шынықтыру және спорт басқармасының баспасөз қызметіне сілтеме жасап.
Венгрияда өткен кір көтеру спортынан әлем чемпионатында 32 елдің спортшылары бақтарын сынаған.
«Ақмола облысының Сандықтау ауданынан шыққан қос спортшы екі бірдей медальға ие болды. 63 келі салмақ дәрежесінде Андрей Дулин чемпион атанса, 95 келіде өнер көрсеткен Владимир Прохоров қола жүлдені еншіледі», – дейді ведомствоның баспасөз қызметі.
Қос спортшы да Сергей Прохоровтың жетекшілігінде жаттығады.
