Көкшетауда із-түзсіз жоғалып кеткен ер адам ұрлық қылды. Полицияның мәліметінше қылмыстық іс бейнебақылау камераларына түсіп қалған, деп хабарлайды «Aqmola News».
17 қазан күні Көкшетау қалалық полиция басқармасының кезекші бөлімшесіне арызданған 59 жастағы жергілікті тұрғын Әуезов көшесіндегі аулалардың бірінен шойын құдықтың қақпағын жымқырып кеткенін айтып жүгінген. Шығын көлемі 20 мың теңгені құраған.
«Ұрлық жедел басқару орталығының бейнебақылау камераларына түсіп қалыпты. Соның көмегімен патрульдік полиция батальоны экипажының қызметкерлері екі адамды ұстады. Күдіктілердің бірі Целиноград ауданының 19 жастағы тұрғыны болып шықты. Оның 16 қазаннан бастап хабар-ошарсыз жоғалған адам ретінде іздеуде тұрғаны анықталды», – дейді Ақмола облысы полиция департаментінің баспасөз қызметінің жетекшісі Гүлнәр Пинчук.
Қазіргі уақытта ұрлық фактісі бойынша қылмыстық кодекстің 188 бабы бойынша сотқа дейінгі тергеу амалдары басталды. Күдіктілердің басқа да қылмыстарға қатыстылығы тексерілуде.
