Степногорск қаласында 18 қазан Рухани келісім күніне орай «Тәуклсіздік алаңы» саябағына 30 түп қарағай отырғызылды,деп хабарлайды «Aqmola News» қала әкімдігінің баспасөз қызметіне сілтеме жасап.
Іс шара Қазақстан республикасының 30 жылдығына арналды.
Ағаш отырғызу рәсіміне «Степногорск қаласының мәдениет, тілдерді дамыту, дене тәрбиесі және спорт бөлімі» мемлекеттік мекемесі жанындағы «Достық және шығармашылық үйінің» қызметкерлері және этномәдени бірлестіктердің мүшелері қатысты.
Бүгінгі мереке, яғни «Рухани келісім» датасының өзектілігі – елімізде тіршілік етіп жатқан азаматтардың ұлтына және дініне, жынысы мен нәсіліне, жасы мен нанымына қарамастан, біздің қоғамдағы бейбітшілік пен тұрақтылықты сақтау.Сонымен қатар табиғатты қорғау, ұрпақтар сабақтастығын қалыптастыру және эстетикалық қарым-қатынасты жақсарту басты мақсат болып отыр,-дейді қала әкімдігінің хабарламасында.
Айта кетсек, 18 қазан «Рухани келісім» күнімен облыс әкімі Ермек Маржықпаев барша ақмолалықтарды құттықтап, нақ осы күнді адамдар арасындағы татуластық, өзара түсіністік, қайырымдылық пен бір-біріне көмек күні деп атап өтті.
