Бүгін Аршалы ауданы Жібек жолы ауылында «Дана» балалар бақшасы бүлдіршіндерге есігін айқара ашты,-деп хабарлайды «Aqmola News»
Жаңадан бой көтерген мектепке дейінгі білім беру мекемесі «Жол картасы 2021» әлеуметтік даму бағдарламасын жүзеге асыру аясында салынған.
46 орынға лайықталған екі қабатты балабақшаның аумағы 220 шаршы метр.
Мекемеде балалардың толық дамып, қалыптасуына, еркін жүріп-тұрып, білім алуына барлық жағдай жасалған.Мұнда бір жарым жастан бастап алты жасқа дейінгі балалар тәрбиеленеді. Оқу үрдісі екі тілде орысша және қазақ тілінде жүзеге асырылады. Мекеме 8 адамды жұмыспен қамтиды,-дейді балабақша жетекшісі У. Ыдырысова.
Айта кетейік, бүгінде облыс көлемінде 598 мектепке дейінгі мекеме, оның ішінде 253 балабақша мен 345 мини орталықтар жұмыс істейді.
