Ақмола облысы Аршалы кентінің 49 жастағы тұрғыны өзін-өзі өртеп жіберді, деп хабарлайды Azattyq Rýhy.
Облыстық Полиция департаменті баспасөз қызметінің мәліметінше, 12 қазан күні сағат 13:52 шамасында Аршалы аудандық полиция бөлімі кезекшілік бөлімшесіне Аршалы кентінің тұрғынынан көршісінің үй ауласында ес-түссіз жатқаны туралы телефон хабары түскен.
«Оқиға орнына дереу жедел-тергеу тобы жетті. Тексеру барысында Аршалы кентінің 49 жастағы тұрғынының өзін-өзі өртеп жібергені анықталды. Өлім туралы жазба табылған жоқ», – делінген ПД хабарламасында.
Ер адам Нұр-Сұлтан қаласының медициналық мекемелерінің бірінде емделіп жатқан әкесімен бірге тұрған. Осы оқиға бойынша Қылмыстық кодекстің 105-бабы («Өзін-өзі өлтіруге дейін жеткізу») бойынша сотқа дейінгі тергеу басталды.
Қазіргі уақытта тиісті сараптама тағайындалды.
