«Nur Otan» партиясының араласуымен ертеңнен бастап Елордадан Қосшы қаласына «Лесная поляна»- Қосшы қаласы – Назарбаев университеті бағытындағы №323 жаңа қала маңы бағыты іске қосылады, деп хабарлайды «Aqmola News» «Nur Otan» партиясы Ақмола облысы филиалының баспасөз қызметіне сілтеме жасап.
Осыған дейін партияның республикалық қоғамдық қабылдауына Қосшы қаласының 100-ден астам тұрғынынан қоқысты жою, сумен қамту және қоғамдық көлік қатынасы мәселелері бойынша ұжымдық өтініш түскен.
Өтініштер ескеріліп партиялық бақылауға алынған.
«Партиялық бақылау комиссиясының шешімімен партия мүшесі, Қосшы қаласының әкіміне «Тұрғындардың қажеттіліктерін барынша қанағаттандыру үшін «Лесная поляна» – Нұр-Сұлтан қаласы бағыты бойынша автобустар санын ұлғайту мақсатында Нұр-Сұлтан қаласы көлік және жол-көлік инфрақұрылымын дамту басқармасымен ынтымақтастық туралы меморандум шеңберінде келісім бойынша зерттеу және мүмкін болатын шараларды қабылдау ұсынылған», – деді ведомстводан.
