Алматы қаласында Кеңес Одағының батыры Масим Якуповты еске алуға арналған республикалық турнирде ақмолалық спортшылар жеңіс тұғырынан көрінді, деп хабарлайды «Aqmola News».
Бұл туралы облыстық дене шынықтыру және спорт басқармасынан хабарлады.
Ақмола облысын намысын бұл жарыста Атбасар, Щучинск және Көкшетау қаласының спортшылары қорғаған.
«52 кг салмақ дәрежесінде рингке шыққан Бауыржан Мұратов қарсылас шақ келтірмей алтыннан алқа тақты. Ал 40 келіде шаршы алаңға шыққан Әлихан Жетпісов күміс медальді қанжығаға салып олжалы оралды», – дейді ведомствоның баспасөз хатшысы Махаббат Большина.
