Көкшетау қаласының әкімі Бауыржан Ғайсаның өкімімен Серік Кенесарыұлы Құдабай Көкшетау қаласы әкімінің орынбасары болып тағайындалды, деп хабарлайды «Aqmola News».
Құдабай Серік Кенесарыұлы 1982 жылғы 18 сәуірде Ақмола облысы, Зеренді ауданы, Зеренді ауылында туған.
2004 жылы Ш.Уәлиханов атындағы Көкшетау мемлекеттік университетін кәсіптік оқыту және еңбек технологиясы педагогы мамандығы бойынша аяқтады.
2008 жылы А.Мырзахметов атындағы университетін мемлекеттік және жергілікті басқару мамандығы бойынша аяқтады.
Еңбек қызметін 2004 жылы «Сандыктауские вести» газетінің редакциясында журналист ретінде бастаған.
2004 жылдан бастап 2018 жылға дейін Сандықтау ауданы әкімі аппаратының басшысы, ұйымдастыру-бақылау бөлімінің басшысы, бас маманы, жетекші маманынан бастап әр түрлі мемлекеттік қызметтерді атқарды.
2018-2019 жылдары Ақмола облысы әкімі аппаратының бас инспекторы.
2019 жылы «Акмолинский профсервис» ЖШС кадр қызметінің басшысы қызметін атқарған.
2019 жылдан бастап бүгінге дейін Көкшетау қаласы әкімі аппаратының басшысы лауазымын істеген.
Үйленген, үш бала тәрбиелейді.
