Аршалы ауданының Жібек жолы ауылында инженерлік -коммуникациялық инфрақұрылым құрылысы жүргізілуде. Жоба «Нұрлы жер» мемлекеттік бағдарламасы аясында іске асырылып жатыр,-деп хабарлайды «Aqmola News» ақпарат агенттігі.
Көп жылдардан бері жөнделмей, әбден тозған электр желілері ауыстырылып, сымдарды тартуға бағаналар орнатылуда.
Ауыл халқы жарық сапасының жақсаратынына ерекше қуануда.
Жаңа электр желілерін орнатушы мердігер компания «Дорстройтрест» жауапкершілігі шектеулі серіктестігі.
Жалпы жобаны іске асыру үш жылға жоспарланған. Жоспар бойынша бірінші, екінші, үшінші және төртінші ықшамаудандарындағы электр желілері ауыстырылуға тиіс.
Бүгінде үшінші массив бойынша ұзындығы ВЛ 10/0,4 кВ – 17 км, ВЛ – 10кВ-2,1 км желі салынған.
Барлығы 2 дана КТП және 200 бірлік көше шамдары орнатылып құрылды. Әлі жоба 56 бірлік шамдар орнатылады.
Айта кетсек, биыл наурыз айында тағы бір қосалқы станция іске қосылды, екінші қосалқы станцияны қосуға техникалық шарттар алынды.
Нысанды пайдалануға беру мерзімі 2021 жылдың қазан айы.
