Мұз астынан балық аулауға құмар адамдарға түсіндіру мақсатында Көкшетау қаласының төтенше жағдайлар қызметі мен облыстың құтқарушылар қызметі бүгін рейд шараларын ұйымдастырды, – деп хабарлайды «Aqmola news» ақпарат агенттігі Ақмола облысы төтенше жағдайлар департаментінің баспасөз қызметіне сілтеме жасап.
Рейд шаралары барысында балықшыларға қаланың өзен-көлдерінде мұз үстіндегі қауіпсіздік ережелерін сақтау туралы жаднамалар табысталды.
Профилактикалық шараның мақсаты мұз астындағы балықты аулауға әуесқойлар көп жиналатын жерлерде төтенше жағдайлардың алдын алу. Рейд барысында қызметкерлер әрбір балықшымен қауіп деңгейін түсіндіріп түсіндіру жұмыстарын жүргізді. Балықшыларға кезекті рет қалың қар астындағы мұзбен жүрудің, бірнеше мұз қуысын бір жерден қазудың қауіптілігі ескертілді, – деді баспасөз қызметінен.
