Ақмолада карантин режимі кезінде жұмысшыларының қауіпсіздігіне кепілдік берген мекемелер мен кәсіпорындар ғана жұмысын жалғастыратын болады, – деп хабарлайды «Aqmola news» ақпарат агенттігі.
Өңірлік коммуникациялар қызметінде өткен брифинг барысында Ақмола облысы әкімінің орынбасары Малғаждар Тәткеев осылай мәлімдеді.
-Кәсіпорындарда жұмысшыларының қауіпсіздігін сақтап, жұмыстан кейін үйлеріне жеткізіп,сондай-ақ жұмыс аумағында санитарлық және дезинфекциялық талаптарды сақтайтын кәсіпорындар өз жұмыстарын жалғастыратын болады. Мәселен «Тыныс» акционерлік қоғамында 700 адам жұмыс істейді. Зауыт ішінде маскалық режимді сақтап, жұмысшыларының жұмыстан үйіне санитарлық талаптарды сақтай отырып, жеткізуді қамтамасыз етпек.
