«Ақмола адалдық алаңы» жобалық кеңсесі мен арнайы мониторингтік топ Ақмола облысында тұрақтандыру қорын қалыптастыруға қатысты «Есіл» әлеуметтік-кәсіпкерлік корпорациясының жұмысымен танысты, – деп хабарлайды «Aqmola news» ақпараттық агенттігі «Есіл» әлеуметтік-кәсіпкерлік корпорациясының баспасөз қызметіне сілтеме жасап.
⠀
Коронавирус індетіне байланысты еліміздегі төтенше жағдай кезіндегі өңірдің азық-түлік қауіпсіздігін бақылауға алу қажет. Тексеріс барысында мониторингтік топ тұрақтандыру қорының әлеуметтік маңызды азық-түлік өнімдерінің қаншалықты жеткілікті екендігіне назар аударды.
Бүгінгі таңда тұрақтандыру қорында 12 тонна күріш, 15 тонна қарақұмық, 1,5 тонна өсімдік майы, 3,4 тонна сарымай, 1825 тонна бірінші сұрыпты бидай ұны бар, – дейді баспасөз қызметінен.
Жақында тұрақтандыру қоры 68 тонна күріш, 42 тонна өсімдік майымен толығады. Сонымен қатар 2 вагон қант, қарақұмық, күріш, жұмыртқа және «Гормолзавод» компаниясының сүт өнімдерімен толықпақ.
