«Тыныс» зауыты жасанды вентиляциялық өкпе аппараттары өндірісі қуатын арттыруды және оны айына 53 данаға дейін жеткізуді көдес отыр, – деп хабарлайды «Aqmola news» ақпарат агенттігі.
«Көкшетау – 4» жасанды вентиляциялық өкпе аппараттары оттегін берудің жалпы жүйесіне қосылуға бейімджелген және автоматты түрде үздіксіз жұмыс істеуге мүмкіндігі бар. Аталған аппараттың маңызды ерекшелігі ол электр қуатынсыз автономды режимде қызмет ету мүмкіндігі болып отыр.
-Елдегі коронавирус жағдайына байланысты зауыт ЖВӨ аппаратын өндіру қуатын екі еседен артық ұлғайтты. Қазіргі сәтте 53 аппаратты жинау жүзеге асырылуда. Аппаратты сәуір айында шығару күтілуде, – деді «Тыныс» акционерлік қоғамының бас директоры Қайрат Қалманбаев.
Жалпы зауыт өңірдің ауруханаларын жабдықтау үшін облыстың денсаулық сақтау саласына 77 комплект ұсынған. Кәсіпорын өнім шығаруды ұлғайту мақсатында жергілігікте жерде жинау үшін Ресейден комплектілеуге қажет заттарға тапсырыс беріпті. Сонымен қатар зауыт өзінің бірқатар цехтарын ЖВӨ аппараты өндірісіне қайта жабдықтауды қарастыруда.
