Наурыз мерекесі қарсаңында Есіл қаласында көпбалалы және толық емес отбасылар, жетім балалар мен мүмкіндіктері шектеулі адамдар мен жалпы пәтер кезегінде тұрғандар баспаналы болып, қоныс тойын тойлады, деп хабарлайды «Aqmola News».
Санитарлық нормалар мен талаптар сақталған шарада аудан әкімінің міндетін атқарушы Нұрлан Саматов жаңа қоныс иелеріне Наурыз мейрамымен құттықтап, пәтер кілттерін табыс етті.
Жылдар бойы кезекте тұрып, біраз қиындықтарды бастан өткергендер баспаналы болғандарына дән риза болып, ақжарма тілектерін білдірді.
– «Қуанышымызда шек жоқ. Жиһаз бен тұрмыстық техниканы әкелу қалды. Кең дәліз, үлкен жарық бөлмелер. Бұл жерде маған да, күйеуіме де, барлық төрт балаға да орын жетеді», – деп қуанышымен бөліскен баспана иелерінің бірі Гүлмира Ғабдулинова.
Бүгінге таңда аудан бойынша 521 адам пәтер кезегінде тұр.
