Ақмолалық полицейлер екі бірдей адамға пышақ жарақатын салған жүргізушіні ұстады, деп хабарлайды «Aqmola News».
Жол үстінде келе жатқан екі бірдей ауыл адамдарына адамға пышақ ала жүгіріп, жарақаттаған адам Солтүстік Қазақстан облысының 24 жастағы тұрғыны болып шықты.
«Оқыс оқиға 9 наурызда Зеренді ауданының Гранитный ауылының тұсындағы автожолда түнгі уақытта болған. Қар құрсаулаған жолдың бір ғана көлік сиятын аршылған тұсында жүргізушілердің екеуі де бір-біріне жол бергісі келмеген. Өзара дауласып қалған жүргізушілердің жанжалы төбелеске ұласқан. Ақыры пышақ жарақатымен тынды. Пышақ салынған екі адам түрлі дейгейдегі жарақатпен ауруханаға жеткізілді, – дейді Ақмола облысы полиция департаментінің баспасөз қызметінің жетекшісі Гүлнәр Пинчук.
Қазір аталған факті бойынша қылмыстық кодекстің 106 «Денсаулыққа қасақана ауыр залал келтіру» бабымен сотқа дейінгі тергеу амалдары басталды. Күдікті адамды қамауға алу туралы процесуалды шешім қабылданған.
