Айдабол спирт зауыты жабылмайтын болды. Бұл туралы зауыт директоры Петр Ольферт хабарлады. Оның айтуынша, жергілікті билік жағатын отын бағасын белгілеуге көмектеспек,-деп хабарлайды «Aqmola News».
Біз бұрын қалай жұмыс істесек солай жұмыс істей береміз. Ақмола облысының әкімдігі біздің жағдайымызға үн қосты. Бізді аймақтың басшысы кездесуге шақырды. Мазутқа баға белгілеу және өнімді өткізу нарығы мәселелері шешу қарастырылуда. Біз өте қуаныштымыз», – деді зауыт директоры Петр Ольферт.
Еске сала кетейік, бұдан бұрын спиртзауытының ағымдағы жылдың қыркүйегіне дейін жұмысын тоқтататыны хабарланған болатын. Содан кейін қызметкерлерге жалақының 50 пайызын төлеу, сондай – ақ жылыту маусымы аяқталғанға дейін әлеуметтік нысандарды жылумен және сумен қамтамасыз ету туралы хабарланды. Жабудың негізгі себептері: қазақстандық спирт зауыттары арасындағы үлкен бәсекелестік, өнімді өткізуді босату, спиртке, қымбат отынға (мазут) және шикізатқа (астыққа) жоғары бағаның болғандығы себеп болған еді.
Естеріңізге сала кетейік, Айдабол спиртзауытының құрылғанына 113 жыл. Кәсіпорын жылына қуаты-600 мың декалитр өнім шығарады.
