Көкшетауда Абылай хан атындағы орталық алаңда тапа-тал түсте екі ер адам кіші дәретке отырды, деп хабарлайды «Aqmola News» Ақмола облысының полиция департаментінің баспасөз қызметіне сілтеме жасап.
Бұзақылық жасаған жігіттердің ерсі әрекеттерді жедел басқару орталығының бейнекамераларына түсіп қалған.
«Бүгін күндізгі шамамен 03:30 шамасында мониторинг жасау кезінде бейнекамералар жазбаларынан инспектор Абылай хан алаңында орналасқан мұз қалашығында екі жігіттің еш ойланбастан шыршаның қақ алдында тұрып, кіші дәрет жасағанын көріп қалды. Бірден оқиға орнына «Әскер-1» экипажы жолданды. Алаңға дереу жеткен патрульдік полиция батальонының қызметкерлері 26 жастағы жігіттердің мас екенін анықтады, – деді Ақмола облысы полиция департаментінің баспасөз қызметінің жетекшісі Гүлнәр Пинчук.
Аталған заң бұзушылар Көкшетау қаласының полиция басқармасының әкімшілік ғимаратына жеткізілген. Оларға қатысты әкімшілік құқық бұзушылық кодексінің 434 «Ұсақ бұзақылық бабы бойынша әкімшілік хаттама толтырылды.
Бұзақылармен тәртіп сақшылары профилактикалық әңгіме өткізді, – деді полиция департаментінен.
