Біржан сал ауданында 2020-2025 жылдарға арналған «Нұрлы жер» мемлекеттік тұрғын үй-коммуналдық дамыту бағдарламасы белсенді жүзеге асырылуда. Бағдарламаның басты бағыттарының бірі сапалы ауыз сумен қамтып, су бұру қызметтерін оңтайландыру болып отыр,-деп хабарлайды «Aqmola News».
Бағдарламаның міндеттерін орындау және Біржан сал ауданы Аңғал батыр ауылының тұрғындарын орталықтандырылған сапалы ауыз сумен қамтамасыз ету мақсатында ағымдағы жылдың мамыр-желтоқсан айларында «Біржан сал ауданы Аңғал батыр ауылындағы су құбыры желілерін қайта жаңарту»жобасы іске асырылды.
Жобаның жалпы құны 466,5 миллион теңгені құрады.
«Көкшетаугидрогеология» АҚ бекітілген жобалау-сметалық құжаттамаға сәйкес құрылыс-монтаждау жұмыстарын жүргізді.
Салынған су құбырының бөлу желісінің жалпы ұзындығы 14,9 км, су таратқыштың ұзындығы 1946,0 метрді құрады.
Барлығы 119 қарау құдықтары орнатылып, сорғы станциясы салынды. Осының нәтижесінде 168 үйге, ауылдық округ әкімдігіне және 1 мектеп, 1 фельдшерлік-акушерлік пункт, 1 мешітке су тартылды.
Қазіргі уақытта құрылыс-монтаждау жұмыстары 100%-ға орындалып, аяқталды. Барлық іске қосу-реттеу жұмыстары табысты жүргізілді.
Жақын арада объекті пайдалануға берілмек.
Бұл жұмыстардың нәтижесінде Аңғар батыр ауылы «тіршілік нәрімен» толық қамтамасыз етіледі. Осылайша ауыл халқының өмір сүрк сапасы жақсарады деп күтіледі.
